Simite pikante të cilat gatuhen shumë shpejt, ndërkaq shija me siguri u pëlqen të gjithë atyre që i kanë provuar. Pse jo mund te jene dhe pjese e tryezes suaj te cdo mengjesi. Per pergatitjen e kesaj recete u nevojiten perberesit:
– 250 g margarinë, – 200 g djathë të grirë, – 100 g ajkë të thartë, – 1 lugë e vogël kripë, sipas shijes, – 350 g miell të butë, – spec i kuq djegës, bën edhe hudhër pluhur, – fara liri apo susami, – mund të shtoni edhe erëza të tjera, sipas dëshirës suaj.
Përgatitja:
Margarinën, djathin dhe ajkën përzieni bashkë, pastaj shtoni kripën. Përzieni derisa të bashkohen dhe shtoni miellin dhe ngjishni brumin.
Brumin shtrijeni në 5 mm trashësi dhe bëni format sipas dëshirës.
Furrën nxeheni në 200 gradë dhe piqni për afërsisht 15 minuta, derisa të marrin ngjyrë ari.
Lërini të ftohen dhe pastaj shërbeni! Ju bëfshin mirë!