Ardit Gjebrea ka prezantuar ditën e djeshme me ndjeësat e shumtë në Instagramin e tij, pjesëtarin më të ri të familjes. Ai është një qenush i rracës Labrador të cilin familja Gjebrea e quan Noble.
“Është një dashuri dhe unë mezi pres ta përqafoj.Di vetëm të them që të dielave ai reagon kur dëgjon zërin tim në ekran dhe pse ende nuk jemi takuar”, shkruan Gjebrea ku tregon se Noble jeton me djalin e tij në amerikë, Jonin.
Por kjo nuk është pritur mirë nga të gjithë ndjekësit. Madje ka sjellë përplasje mes moderatorit dhe tyre.
“O pika që nuk ju bie, turinjtë tuaj të turinjtë e qenit. Na u bë qeni më i dashur se familja?”, është komenti që ka marrë vëmendjen e Gjebreas.
“Sigurisht që nuk është më i dashur se familja, por eshte pjesë e familjes dhe sa mirë që nuk di të lexojë komentin tënd se do çuditej!!!”, është përgjigja e Gjebreas.
