Çdo grup gjaku ka karakteristikat e veta unike që përcaktojnë se kujt mund t’i dhurojë dhe nga kush mund të marrë.
Për shembull, grupi AB është i njohur si ‘marrës universal’ i gjakut të kuq, pasi mund të pranojë gjak nga të gjitha grupet e tjera, por mund t’i dhurojë vetëm grupit të vet.
Megjithatë, plazma e grupit AB është ‘dhënëse universale’, duke e bërë atë tepër të vlefshme.
Ndërsa sigurimi i masës së kuqe të gjakut është një proces relativisht i drejtpërdrejtë, sigurimi i trombociteve paraqet një sfidë të madhe.
Prodhimi i një njësie trombocitesh kërkon gjak shumë të freskët (të mbledhur brenda 24 orëve) dhe duhet të kombinohen dhurime nga disa persona të të njëjtit grup gjaku.
Kjo kohë e gjatë përpunimi dhe nevoja për përputhje të saktë shpjegon pse shpesh ka vonesa dhe vështirësi në sigurimin e tyre për pacientët në nevojë.
Përtej shpëtimit të jetëve, dhurimi i gjakut sjell përfitime të konsiderueshme shëndetësore për vetë dhuruesin.
Studimet shkencore kanë treguar se dhurimi i rregullt ndihmon në mbajtjen e depozitave të hekurit në nivele të shëndetshme, veçanërisht tek meshkujt.
Kjo ul rrezikun për një sërë sëmundjesh kardiovaskulare dhe neurologjike, përmirëson viskozitetin e gjakut dhe mbron nga goditjet në tru. Pra, mesazhi është i dyfishtë: ‘Dhuro gjak për të ndihmuar tjetrin, por edhe për të ndihmuar veten’.